Chal Do Kadam Chalte hain

Chalo Do kadam chalte hain
Bina soche ki kal kya hoga
Bina soche ki chal ku rhe hain
Na tum kuch kehna, na mai kuch kahunga
Zaroorat padi to aankhon aankhon me hi saari gile shikwe bayaan kar lenge

Chalo Do kadam chalte hain
Bina dekhe jaat,paat
Bina dekhe pakhandi dharam
Na tum meri surat ke rang dekhna, na mai dekhunga
Zaroorat padi to aankhein band kr ek dussre ke dil me hi jhank lenge

Chalo Do kadam chalte hain
Bina dekhe ek dussre ka ateet
Bina dekhe ek dussre ka bhavisya
Zaroorat padi to hamare sath chalte kadamon ki sur, lay, taal hi dekh lenge

Chalo Do kadam chalte hain
Bina soche kaun deshbhakt hai kaun desh drohi
Bina soche kaun bharat ko ma manta hai kaun mehbooba
Zaroorat padi to satrangi indradhanush me bane teerenge ko dekh hi muskura lenge

Chalo Do kadam chalte hain
Bina soche tu kya kr skta hai
Bina soche mai kya kr skta hu
Zaroorat padi to ek dussre ka hath hi tham lenge,jo bhi krna hoga sath hi kr lenge

Pyaar ko rab maan,
do kadam do kadam kar,
puri duniya puri zindagi sath chal lenge,
Na tum kuch kehna,
na mai kuch kahunga,
Zaroorat padi marne ki to ek dussre ki thandi aansuon se bhari aankhon me hi doobki lga lenge.